Кыргызстан профсоюздар Федерациясындагы 3 жылдан ашык убакытка созулган уруш-жанжалдарга чекит коюлду. Ушул жылдын 6-апрелинде Президенттик админстрациянын, министрлер кабинетинин  өкүлдөрүнүн катышуусу менен Мамлекеттик «Ала-Арча» резиденциясында Кыргызстан профсоюздар Федерациянын кезектеги сьезди өтүп, анда көпчүлүк добуш менен жетекчилик кызматка Эмиль Кызаев шайланды. Мыйзамдуу жетекчинин келиши менен Кесиптик кошуундар федерациясында учурда заман талабына ылайыктуу өзгөрүүлөр жүрүп, бири-бирин кайталаган структуралар жоюлуп, оптималдаштыруу процесси башталган.