«Көгүлтүр Ысык-Көл» санаторийи убакыт өткөн сайын көркүнө чыгып андагы шарттар жакшырууда. Буга иш билги жетекчи Лира Батырбекованын эмгеги зор. Быйылкы жылы санаторийдин кире беришинен тартып, көл жээгине чейинки аллеясы жаныланып, ага кооз таман таштар төшөлүп, жарыктандырылып, эки жээгине жашыл арча көчөттөрү отургузулуп көргөн көз кубанаарлык сонун абал жаралган. Мындан тышкары, санаторийдин ичиндеги башаламан сатуу точкалары жок кылынып, атайын кичинекей базар салынган.  Ошондой эле ири  фонтан түптөлүп аяктоо алдында турат.